Ж.Батзандан: 800 хятадыг анхнаас нь зохион байгуулалттайгаар оруулж ирсэн

2019 оны 11 сарын 21

УИХ-ын гишүүн Ж.Батзандан 800 хятадтай холбоотой асуудлаар төрийн ордонд мэдээлэл хийлээ. Түүний тайлбарыг бүрэн эхээр нь хүргэе.

Тэрбээр, "800 хятадын асуудлыг ярихаас өөр аргагүй байдалд хүрлээ. Аравдугаар сарын сүүлээр хэн гэдэг хүн оруулж ирснийг хэлье. Аюулгүй байдлын байнгын хороон дээр нууц хуралдаан хийсэн. Холбогдох албан тушаалтнуудыг цуглуулж асуусан. Ерөнхийлөгчтэй уулзсан. Хууль хяналтын байгууллагаас тодорхой түвшинд мэдээлэл авсан. Яг юу болсон юм бэ.

Аравдугаар сарын 12-15-ны хооронд Хуан гэдэг хятад Засгийн газрын шадар сайдтай уулзсан байна. Алтанбулагийн чөлөөт бүсийн дарга, Цагааннуурын чөлөөт бүсийн дарга нар хамтдаа уулзалт хийсэн байна. Алтанбулаг чөлөөт бүсэд цахим казино ажиллуулах зорилгоор Засгийн газрын өндөр албан тушаалтнууд хятадуудыг хүлээн авч уулзаж, “Монгол улсын чөлөөт бүсэд цахим казино байгуулж болно.

Та бүхэн ирж туршилт хий” гэж хүсэлт тавьсан байна. Манай улсаас гарсан 800 хятад өмнө нь Камбож улсаас мөн хөөгдөж байсан. Зүүн өмнөд азийн орнууд цахим казино ажиллуулж байгаад “Цахим казино” нэртэй цахим гэмт хэрэг болохыг тогтоогоод үйл ажиллагааг нь зогсоосон байна. Өөрөөр хэлбэл цахим покер гэхчилэн янз бүрийн тоглоом тоглуулдаг. Иргэн ирж тоглохоор нөгөө талаас нь хуурамч аккаунт дээр нэг бүлэглэлийн хүмүүс нийлж, хүмүүсийн мөнгийг луйварддаг цахим луйвар хийхээр монголд орж ирэх нь тогтоогдсон байна.

800 хятадыг оруулж ирсэн  хэргээр урьдчилан хорих 461-р ангид Уулаа, Баяраа гэх хоёр хүн хоригдож байгаа юм байна. Нийт 53 халхавч компани байгуулж, Гадаад харилцааны яаманд Тагнуулд хүсэлтээ гаргаж, жуулчин нэрээр орж ирсэн. Зарим хүмүүс буруу яриад байна. Жуулчны визийг Консулын газар өгдөг гэж. Жуулчны визийг Гадаад харилцааны яаманд жуулчдыг урьж оруулж ирэх эрхтэй тусгай компаниуд хүсэлтээ гаргаж тэр хүсэлтийн дагуу Гадаад харилцааны яамнаас зөвшөөрлийн код олгосноор Эрээн, Бээжин, Хөх хотын консулууд визийг нь гаргаж өгсөн байна. 

Хуан гэх хятад баривчилгаа болох өмнөх долоо хоногт урагшаа хил давсан байна. Түүний туслах хоёр хятад Замын-Үүдээс зугтаж гарах гэж байгаад баригдсан. Тагнуулын дарга, Гадаад харилцааны яам энэ асуудлыг анхнаас нь мэдэж байсан байна. Зохион байгуулалттайгаар оруулж ирээд мөн гаргасан байна. Энэ 800 хятад гэнэт орж ирээд гэнэт гарсан зүйл байхгүй. Нийгэмд буруу ойлголт явах учраас зориуд энэ мэдээллийг хийж байна" гэсэн юм. 

Сэтгэгдэл (4)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2019 оны 11 сарын 25
64.119.20.242
Zochin

Hyatadiin undsen huulind neg hyatad gesen zaalttai

2019 оны 11 сарын 24
202.126.89.120
Зочин

Батзандан яагаад ийм аймаар төрсөн хүн бэ уул нь өөрийнх төрсөн ах гайгүй сайн гар бие оролцообиздээ ёстой улайдаггүй новш юмаа кккккк өөрөө ч сайх мэдэж байжээ хахааха

2019 оны 11 сарын 21
92.249.193.8
Ард

Батзандангийн ах оруулж ирээ биздээ Батзандагийн цусны зан нь хэзээ ч арилахгүй төрийг бас л самарна шүү ойр дотор нь бүтэх хүн нэг ч үгүй шүү.

2019 оны 11 сарын 21
79.98.213.82
Зочин

Виз гаргахад танай ахын нөлөө их орсон байхаа............хахахаха\n