“Ирээдүйд гэрэлтэх хөөрхөн зургаан зүрхний төлөө” тэд үүнийг хийжээ. Баярлалаа

2019 оны 12 сарын 02

Дотоод хэргийн их сургуулийн Ахлагчийн сургуулийн сонсогчид эргүүл хийж явахдаа зургаан охинтойгоо амьдардаг Г.Эрдэнэчимэг гэх эмэгтэйтэй таарч, түүний бяцхан охидтойгоо ус зөөж яваа бичлэгийг сошл орчинд түгээсэн билээ.

Өөрийн гэсэн орон гэргүй, өрх толгойлсон ээжид туслах хүсэлтэй маш олон хүн сонсогч нарт хандсан учраас “Ирээдүйд гэрэлтэх зүрхний төлөө” сайн үйлсийн аяныг Дотоод хэргийн их сургуулийн Ахлагчийн сургуулийн багш, ажилтан, оюутнууд хамтран санаачилж, Г.Эрдэнэчимэг бүсгүйд туслахаар сэтгэл нэгдсэн юм. Сайхан сэтгэлтэй хүмүүсийг нэгтгэсэн Дотоод хэргийн их сургуулийн /ДХИС/ Ахлагчийн сургуулийн багш, алба хаагч, сонсогчдын санаачилан зохион байгуулсан “Ирээдүйд гэрэлтэх зүрхний төлөө” сайн үйлсийн аян өнөөдөр өндөрлөж, зургаан охинтой ѳрх толгойлсон эмэгтэй Г.Эрдэнэчимэгийг ѳѳрийн гэсэн өргөө цагаан гэртэй болгож чадлаа. Мѳн Г.Эрдэнэчимэгийг ДХИС-д ажилд оруулсан байна.

Сайн үйлсийн аянд нэгдсэн байгууллага, иргэдийн тусламжтайгаар Г.Эрдэнэчимэгийн гэр бүлд өргөө цагаан гэр, гэрийн тавилга, хувцас хунар, цахилгаан бараа, хүүхдийн хичээлийн хэрэгсэл, тоглоом, хүнс, сайжруулсан түлш зэрэг бусад эд зүйлийг нь хүлээлгэн өгснөөр “Ирээдүйд гэрэлтэх зүрхний төлөө” аян амжилттай өндөрлөж байна.

Энэхүү арга хэмжээнд ДХИС-ийн Ахлагчийн сургуулийн захирал, цагдаагийн хурандаа Г.Ганбаатар тэргүүтэй тус сургуулийн хамт олон, “Домогт хийц” ХХК, “Ривер Клуб”, “Хоббизоон” ХХК-ийн төлөөлөл оролцож, Г.Эрдэнэчимэгийн гэр бүлд сайн сайханыг хүсч, гэр, хашаа, бусад эд зүйлийг нь хүлээлгэн өгч гарын бэлэг гардуулав.

Г.Эрдэнэчимэг бүсгүй, түүний хайр гэрэлтсэн харцтай дэрсхэн 6 хөөрхөн охид аянд нэгдэж, тусламжийн гараа сунгасан хүн бүрт чин сэтгэлээсээ талархсанаа илэрхийллээ.

“Ирээдүйд гэрэлтэх зүрхний төлөө” сайн үйлсийн аян найман хоног үргэлжилсэн бөгөөд энэ хугацаанд Ахлагчийн сургуулийн сонсогчид хүйтнийг үл ажран газар ухаж, хашаа хатгасан байна. Та бүгдийн санаачилсан ажил, хийсэн гүйцэтгэл үнэхээр чин сэтгэлийнх байж чадсан шүү.

Дэм дэмэндээ, дээс эрчиндээ... Монголын минь өрх, айл бүхэн аз жаргалтай байх болтугай 

Сэтгэгдэл (2)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
3 цагийн өмнө
203.169.50.252
Иргэн

Баярлалаа. Сайн уйлс тань улам арвижин дэлгэрч буянаа огохнь дамжиггуй!!!

3 цагийн өмнө
203.169.50.252
Иргэн

Баярлалаа. Сайн уйлс тань улам арвижин дэлгэрч буянаа огохнь дамжиггуй!!!

2019 оны 12 сарын 08
202.55.191.205
зочин

Бүгдийнх нь Буян нь дэлгэрч явах болтугай

2019 оны 12 сарын 03
202.180.220.172
ИРГЭН

ҮНЭХЭЭР МУНДАГ САЙХАН ХАМТ ОЛОН БАЙНА. ТАНАЙ ХАМТ ОЛОНД АЖЛЫН АМЖИЛТ ХҮСЬЕ. САЙН ҮЙЛС ДЭЛГЭРЭХ БОЛТУГАЙ