Халдвар гарсан тохиолдолд Цэргийн төв госпиталийг ашиглахаар ярилцжээ

2020 оны 02 сарын 10

Эрүүл мэндийн сайд Д.Сарангэрэл  Улсын онцгой комисст мэдээлэл хийж байна. Мэдээллийн үеэр "Вирусийн халдварын тархалт өндөр байгаа учир бэлэн байдлыг хангаж 1000 гаруй эмч нараа сургалтад хамруулж, танхимын болон теле сургалт явууллаа.  Вирусийн оношлуурыг ДЭМБ баталгаажуулаагүй. Гэхдээ шаардлага хангасан оношлуур хийсэн Япон улсаас оношлуураа авсан. ДЭМБ-аас маргааш 500 оношлуур ирнэ.

Эмнэлгийн  ажилтнуудын аюулгүй байдлыг хангах үүднээс  100 мянган хувийн хамгаалалт, хэрэгслийн асуудлыг шийдвэрлэсэн. Нэн шаардлагатай Тоног төхөөрөмжийн жагсаалтыг ДЭМБ-аас гаргасан. 2-р сарын 25 гэхэд бүх худалдан авалт хийгдэж эм тариа, эмнэлгийн хамгаалах хэрэгслээр хангагдана.

Хэрэв халдварыг гарвал цэргийн төв госпиталь эмнэлгийг халдварыг эмчлэх эмнэлэг болгох талаар  эхний байдлаар ярилцсан. Мөн хувийн эмнэлэг санал гаргасан. 800 орны асуудлыг шийдэх нөхцөл бүрдсэн. Мөн хотын захад  эмнэлгийн хүртээмжийг нэмэгдүүлэх хүрээнд Жаргалантын  аманд байдаг  Онцгой байдлын харьяа сувилалыг ашиглах  талаар ярилцсан" гэлээ.

Одоогоор дэлхий дахинд маскны хомсдол үүссэн болохыг ДЭМБ-аас мэдээлсэн тул эхний ээлжинд эмнэлгийн ажилтнуудаа хамгаалах хэрэгслээр хангах нь чухал байгаа аж. 

Т.Хэрлэн 

 

Сэтгэгдэл (1)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 02 сарын 11
202.179.25.31
Зочин

АЛЬ БОЛОХ ХОТООС ХОЛ БАЙЛГАХ АРГА ХЭМЖЭЭ АВАХ НЬ ЗӨВ ШҮҮ.