“Diamond Princess” хөлөг онгоц дээрээс АНУ 400 иргэнээ нүүлгэн шилжүүлэв

2020 оны 02 сарын 17

Японы Канагава мужийн Йокохама хотын ойролцоо хөл хорионд орсон “Diamond Princess” хөлөг онгоц дээрээс АНУ-ын засгийн газар өнгөрсөн шөнө 400 гаруй иргэнээ нүүлгэн шилжүүлэв. Одоогийн байдлаар тус хөлөг онгоц дээр 70 хүнээс шинэ төрлийн коронавирусийн халдвар илэрсэн байна. Ингэснээр нийт халдвар авсан хүний тоо 335 хүрчээ. 

Уг хөлөг онгоцонд 50 гаруй улс орон, нутаг дэвсгэрийн 3700 орчим хүн байгаа юм. Үүнээс 2700 нь зорчигч байгаа бөгөөд нийт зорчигчдын хагас нь 70 болон түүнээс дээш настай тул халдвар авах өндөр эрсдэлтэйд тооцогдож байгаа юм. 

АНУ-ын Эрүүл мэндийн ахлах ажилтан “Diamond Princess” хөлөг онгоцонд  АНУ-ын 400 орчим иргэн зорчиж явсны 40 нь шинэ төрлийн коронавирусийн шинжилгээнд хамрагдаж, эерэг дүн үзүүлжээ гэв. Түүнчлэн АНУ-ын Халдварт өвчин судлалын үндэсний хүрээлэнгийн захирал Энтони Фауч "Халдвар авсан хүмүүс нүүлгэн шилжүүлэх ажилд оролцохгүй" гэж мэдэгдэв.

Buses carrying US passengers leave Yokohama port on Monday, February 17, 2020. Photo: Kyodo News via AP

Тэрбээр “CBS” сувагт өгсөн ярилцлагадаа “Эерэг үзүүлэлт гарсан зорчигчид Японы эмнэлэгт хэвтэх болно. Энэхүү аялаын хөлөг онгоцон дээр халдвар авч буй зорчигч нар эх газарт халдвар авах чадвартай адил. Учир нь халдвар авсан зорчигч нар өөр хэнд ч дамжуулах боломжой” гэж хэллээ.

Канад, Хонконг, Итали улсууд иргэдээ татан авахаар онгоц илгээх аж.

Эх сурвалж: South China Morning Post

Х.Дэлгэрэх

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.