Монгол Улсын 32 дах Ерөнхий сайдаар Л.Оюун-Эрдэнэ томилогдлоо

Монгол Улсын 32 дахь Ерөнхий сайдаар УИХ-ын гишүүн Л.Оюун-Эрдэнэ томилогдлоо.

Өдгөө 41 настай тэрээр ардчилсан нийгэмд шилжсэнээс хойших хамгийн залуу Ерөнхий сайдын нэг болж буйгаараа онцлог юм. 

Ийнхүү МАН-ын Бага хурал Л.Оюун-Эрдэнийг Ерөнхий сайд болгохыг дэмжснээр уг саналыг УИХ руу оруулсан бөгөөд УИХ дахь МАН-ын бүлэг, Төрийн байгуулалтын байнгын хороо, УИХ-ын чуулганы нэгдсэн хуралдаанаар хэлэлцэн, санал хураалтад оролцсон 66 гишүүний 58 хувь нь дэмжсэнээр Л.Оюун-Эрдэнийг Ерөнхий сайдаар томиллоо. 

Л.ОЮУН-ЭРДЭНИЙН ТОВЧ НАМТАР: Тэрээр 1980 онд Улаанбаатар хотод төрсөн. 41 настай. Ам бүл 5. Сэтгүүлч, эрх зүйч мэргэжилтэй. Боловсрол судлал болон төрийн удирдлагын магистрын зэрэгтэй.

БОЛОВСРОЛ:

• 1998 онд Хэнтий аймгийн Бэрх хотын Ерөнхий боловсролын сургууль,
• 2001 онд Бэрс дээд сургууль,
• 2008 онд Монгол Улсын их сургуулийн Хууль зүйн сургууль,
• 2015 онд АНУ-ын Харвардын Их сургууль

АЖИЛЛАСАН БАЙДАЛ:

• 2001-2002 онд Хэнтий аймгийн Бэрх хотын Захирагчийн ажлын албанд Тамгын газрын дарга, 2002-2007 онд “Дэлхийн Зөн Монгол” Олон улсын байгууллагын бүсийн захирал,
• 2007-2008 онд Нийслэлийн Баянзүрх дүүргийн Засаг даргын Тамгын газрын Нийгмийн бодлогын хэлтсийн дарга,
• 2008-2010 онд Монгол Ардын Намын Удирдах Зөвлөлийн Хэрэг эрхлэх газрын дарга,
• 2010-2015 онд Нийгмийн Ардчилал Монголын Залуучуудын холбооны ерөнхийлөгч,
• 2011-2012 онд Монгол Ардын Намын Нарийн бичгийн дарга,
• 2012 онд Монгол Ардын,  Намын Ерөнхий нарийн бичгийн даргын үүрэг гүйцэтгэгч,
• 2016 оноос одоог хүртэл Монгол Улсын Их Хурлын гишүүн,
• 2019-2020 онд Монгол Улсын сайд, Засгийн газрын Хэрэг эрхлэх газрын дарга