БНСУ-д нэг өдрийн дотор 31 хүн шинээр коронавирусийн халдвар авчээ

2020 оны 02 сарын 20

БНСУ-ын Өвчнийг хянах, урьдчилан сэргийлэх төв (KCDC)-өөс шинээр 31 тохиолдол бүртгэгдэж, нийт 82-д хүрлээ гэж мэдэгдэв. Шинээр бүртгэгдсэн тохиолдлын 30 хүн нь Сөүлээс зүүн өмнө зүгт 300 км-ийн зайд байдаг Дэгү, Кёнбүг хотын иргэд бол нэг нь Сөүлд батлагдсан байна.

Мөн тус улсад коронавирусийн халдварын тохиолдол нэмэгдсэнтэй холбогдуулан  тус улсын Засгийн газраас тархалттай тэмцэх арга хэмжээгээ өргөжүүлж эхэллээ.

Тухайлбал гуравдугаар сард хичээл эхлэх гэж байгаатай холбогдуулан Хятадаас ирэх оюутнуудад нэг семестрийн чөлөө авах, эсвэл онлайнаар суралцах нөхцлийг санал болгохыг бүх их сургуулиудын удирдлагад боловсролын яамнаас даалгасан байна. Мөн тус улсын бүх эмнэлэгт эмчлүүлж байгаа ханиад томууны оноштой өвчтөнүүдэд шинэ коронавирусийн шинжилгээг хийхээр болжээ. 

Эх сурвалж: YTN

Х.Дэлгэрэх

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.