Д.Нямхүү: Нэг оюутнаас коронавирус илэрч, нэг хүн эдгэрч гарлаа

2020 оны 05 сарын 17

Эрүүл мэндийн яамнаас цаг үеийн асуудлаар мэдээлж байна.

ХӨСҮТ-ийн ерөнхий захирал Д.Нямхүү "Өнөөдөр нэг оюутан эдгэрч сувилалд шилжлээ. Мөн Туркийн хоёр иргэн ажиглалтын хугацаагаа дуусгаж гэртээ харьсан байна. Өчигдрийн байдлаар нийт ХӨСҮТ болон Дархан-Уул аймагт 157 хүнд шинжилгээ хийв. Эдгээр хүнд коронавирус илрээгүй. Давтан шинжилгээгээр ОХУ-аас ирсэн цэргийн сургуулийн оюутнаас коронавирус илэрлээ. ХӨСҮТ-д 115 хүн эмчилгээнд, 89 хүн хяналт, ажиглалтад байна. Эмчилгээнд байгаа хүмүүсээс 23-ынх нь биеийн байдал хүндэвтэр байна. ХӨСҮТ нийтдээ 250 хүнийг хүлээн авах төлөвлөгөөтэй байгаа" гэв.

Тэгвэл манай улсын хэмжээнд нийт батлагдсан тохиолдлын тоо 136-д хүрлээ.

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.