Халдвар авсан ОХУ-ын ерөнхий сайд Михайл Мишустин үүрэгт ажилдаа эргэн оржээ

2020 оны 05 сарын 20

ОХУ-ын ерөнхий сайд Михайл Мишустин коронавирусийн халдвар авсан болохоо тавдугаар сарын 1-ний өдөр олон нийтэд зарлаж, үүрэг ажлаа тэргүүн шадар сайд Андрей Белоусов хүлээлгэн өгсөн билээ. Тэрбээр “Миний өгсөн коронавирусийн шинжилгээний хариу эерэг гарсныг саяхан мэдлээ. Энэ тохиолдолд би Роспотребнадзорын (үндэсний эрүүлийг хамгаалах газар) шаардлагын дагуу тусгаарлагдаж, эмч нарын хяналтад орохоор болж байна. Хамтран ажиллагсдаа халдвараас хамгаалахын тулд би ингэх хэрэгтэй боллоо” гэж мэдэгдсэн байсан юм.

Тэгвэл өнөөдрөөс эхлэн Ерөнхий сайд Михайл Мишустин үүрэгт ажилдаа эргэн оржээ. Тэрбээр эмнэлэгт хэвтэх хугацаандаа цахим хэлбэрээр хэд хэдэн удаа зөвлөгөөн явуулжээ. Одоогийн байдлаар түүний бие сайжирч байгаа бөгөөд удахгүй эмнэлгээс гарах тухайгаа мэдэгдэв. Мишустин нь Их Британийн ерөнхий сайд Борис Жонсоны дараа коронавирусээр өвчилсөн хоёр дахь засгийн газрын тэргүүн болсон билээ.

Өнөөдрийн байдлаар ОХУ-д нийт батлагдсан тохиолдлын тоо 299 941  хүрч, нас барсан хүний тоо 2837 хүрсэн бол 76130 өвчтөн эдгэрсэн байна.

Эх сурвалж: Moscow Times

Э.Мөрөн

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.