ОХУ-ын засгийн газар хариу арга хэмжээ авч, АНУ-ын дипломатчуудыг гаргав

С.Гандэлгэр
2021/04/17

ОХУ-ын Гадаад хэргийн яам тус улсад зорчихыг хориглосон Америкийн албан тушаалтнуудын жагсаалтыг нийтэлжээ.

Өнгөрсөн сард АНУ-ын ерөнхийлөгч Жо Байден хэвлэлд ярихдаа ОХУ-ын ерөнхийлөгч Владимир Путинийг “алуурчин” гэж нэрлэсэн юм. Үүний дараа ОХУ-ын гадаад хэргийн яам хоёр орны цаашдын харилцааны талаар зөвлөлдөхөөр Вашингтон дахь элчин сайдаа дуудаж байв.

Жагсаалтад АНУ-ын Ерөнхий прокурор Мэррик Гарланд, Холбооны хорих ангийн товчооны дарга Майкл Карвахаль, Дотоодын аюулгүй байдлын сайд Алехандро Майоркос, АНУ-ын Ерөнхийлөгчийн дотоодын бодлогын асуудал хариуцсан зөвлөх Сьюзан Райс, Холбооны мөрдөх товчооны дарга Кристофер Рэй, Үндэсний тагнуулын газрын дарга Эврил Хейнс, АНУ-ын Ерөнхийлөгчийн үндэсний аюулгүй байдлын асуудлах хариуцсан туслах асан, АНУ-ын Ерөнхийлөгчийн Үндэсний аюулгүй байдлын асуудал эрхэлсэн туслах асан Жон Болтон, Тагнуулын төв газрын дарга асан Роберт Вулси нарыг оруулжээ.

Эдгээр хүмүүс ОХУ-ын эсрэг чиглэсэн бодлогыг боловсруулж, хэрэгжүүлэхэд оролцсон учир ийм арга хэмжээ авсан байна.

Мөн ОХУ-д үйл ажиллагаа явуулж буй АНУ-ын сангууд, төрийн бус байгууллагуудын үйл ажиллагааг хориглохоор болжээ.

ОХУ-ын Гадаад хэргийн яамнаас тайлбарласнаар, энэ нь тус улсын албан тушаалтнуудын эсрэг гуравдугаар сарын 2-нд АНУ-аас тавьсан хориг арга хэмжээний хариуд гаргасан шийдвэр аж.



Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 58.108.51.214
    2021/04/18

    ANU neg l bish ee Shine uvgun ulam gal deer tos hiij baigaa

    Хариулах
  • 202.9.47.2
    2021/04/17

    Зөв ш дээ. тЭР НОЁН ЯАЖ УГТАНА, ТҮҮНТЭЙ ТЭГЖ Л ХАРИЦАНА ГЭДЭГ ШҮҮ ДЭЭ. АНУ-ЫН ГАДААД БОДЛОГО БУРУУ ЯВААД БАЙНА. ОХУ ИНГЭХЭЭС ӨӨР АРГА БАЙХГҮЙ ДЭЭ.

    Хариулах