Кети Перри: Сүйт залуугаасаа салсныхаа дараа амиа хорлох тухай бодож үзсэн

2020 оны 07 сарын 03

Өдгөө анхны хүүхдээ тээж буй 35 настай дуучин Кети Перри 2019 оны хоёр дугаар сарын 14 буюу Валентины баяраар Холливудын сайхан залуу, Карибын тэнгисийн дээрэмчид киноны Уиллын дүрээр үзэгчдийн танил болсон жүжигчин Орландо Блүүмтэй сүй тавьсан гэдгээ инстаграм хуудсаараа дамжуулан зарласан. Дуучин бүсгүй CBC Radio-д өгсөн ярилцлагадаа урд өмнө хэвлэл мэдээлэлд дэлгэж байгаагүй нууцаа дэлгэж шүтэн бишрэгчдээ гайхшруулжээ. 

 

Orlando Bloom Says Pregnant Katy Perry Is a 'Force of Nature ...

 

Тэрбээр уг ярилцлагадаа хайр дурлалын харилцаандаа түр завсарлага аваад байсан үедээ амиа хорлох талаар хүртэл бодож үзсэн тухайгаа дэлгэжээ. Тодруулбал, 2017 онд Кети Пэрри болон Орландо Блүүм нар хэн хэнийхээ завгүй цагийн хуваариас болж хайр сэтгэлийн харилцаа хөндийрсөн гэсэн шалтгаанаар түр хугацаанд салаад байсан юм. Гэсэн ч хосууд 2017 оны сүүл гэхэд эргэн нийлсэн байлаа.

Миний дуунууд амжилт олж, карьер маань өсөж байсан ч энэ нь намайг сэтгэл гутралаас аварч чадаагүй. Би хайр дурлалдаа бүхнээ зориулдаг учир түүнээс салсны дараа яг л зүрхээ голоор нь хуваачихсан юм шиг мэдрэмж төрж байж билээ. Сэтгэл гутралд автаж, амиа хорлох тухай ч бодож байлаа. Энэ үедээ би амьдралын жижиг зүйлсэд ч талархах хэрэгтэйг ухаарсан. Тухайн үед аз жаргалтай, эерэг дууны үг бичиж өөрийгөө тайтгаруулдаг байсан. Хожим эдгээр дуунууд сонсогчдын хүртээл болж, тэднийг ч гэсэн итгэл найдвараар тэтгэж, сэтгэл гутралаас авраасай хэмээн хүссэн.

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.