ХХБ-ны ТУЗ-ийн дарга Д.Эрдэнэбилэг "хулгайлсан" 123 тэрбумыг буцаан төлүүлжээ

С.Гандэлгэр
2021/05/25

Авлигатай тэмцэх газрын Мөрдөн шалгах хэлтсээс авлигын гэмт хэргийг мөрдөн шалгах ажиллагааны үр дүнд нийт 123.5 тэрбум төгрөгийг буцаан төлүүлэв.

Монгол-Оросын хамтарсан “Эрдэнэт үйлдвэр” ХХК болон “Монголросцветмет” ХХК-ийн ОХУ-ын эзэмшиж байсан 49 хувийн энгийн хувьцааг улс төрд нөлөө бүхий этгээдүүд албан үүрэг, бүрэн эрхээ урвуулан ашиглаж, Худалдаа хөгжлийн банкны хяналтад үйл ажиллагаа явуулдаг “Монголиан коппер корпорейшн” ХХК-д 400.2 сая ам.доллараар худалдах хууль бус шийдвэрийг гаргаж бусдад давуу байдал олгосон гэх эрүүгийн хэрэгт Авлигатай тэмцэх газар, ЦЕГ-ын Эрүүгийн цагдаагийн албаны Эдийн засгийн гэмт хэрэгтэй тэмцэх газрын хамтарсан ажлын хэсэг мөрдөн шалгах ажиллагаа явуулсан билээ.


Мөрдөн шалгах ажиллагааны явцад Монголбанкнаас 2016 оны 4 дүгээр сарын 6-ны өдөр Дотоод актив чанаргүйдэх эрсдэлийг бууруулах арга хэмжээний хүрээнд байгуулсан “Өрийн бичиг шилжүүлэх гэрээ”-ний дагуу шилжүүлсэн 100 тэрбум төгрөгийн санхүүжилтийн эх үүсвэрийг “Кью Эс Си” ХХК зориулалтын бусаар зарцуулсан болох нь тогтоогдсон юм.

Мөрдөгчдийн ажлын хэсгээс гэмт хэрэг гарахад нөлөөлсөн шалтгаан, нөхцөлийг арилгах тухай 2018 оны 6 дугаар сарын 19-ний өдрийн 10 дугаартай мөрдөгчийн мэдэгдлийг Монголбанканд хүргүүлж, санжүүжилтийг зориулалтын бусаар зарцуулсан “Өрийн бичиг шилжүүлэх гэрээ”-нээс нэг талын санаачилгаар татгалзах эрхээ хэрэгжүүлэн, төрд учруулсан 100 тэрбум төгрөгийн хохирлыг барагдуулахыг шаардсан байна.

Мөрдөгчийн мэдэгдэл, шаардлагын дагуу Монголбанкны талаас гэрээг цуцалж “Кью Эс Си” ХХК-иас үндсэн болон хүүгийн төлбөрийг төлүүлэх замаар төрд учирсан хохирлыг нөхөн төлүүлэх ажиллагааг явуулж эхэлсэн. Төрийн байгууллагуудын хамтын ажиллагааны үр дүнд тус компани 2021 оны 5 дугаар сарын 6-ны өдөр сүүлийн төлбөр болох 61.8 тэрбум төгрөгийг шилжүүлснээр нийт 123.5 тэрбум төгрөгийн хохирол бүрэн төлөгдлөө.

Ийнхүү авлигын гэмт хэргийн улмаас учирсан 123.5 тэрбум төгрөгийн хохирлыг төрд буцаан төлүүлсэн нь ажлын хэсгийн мөрдөгчид болон Монголбанкны ажилтнуудын хамтын ажиллагааны бодит үр дүн юм.



Сэтгэгдэл (8)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 64.119.27.43
    2021/05/27

    Gomo orhontoi.ni tsug shorond hataaj shond ulgu

    Хариулах
  • 58.108.51.214
    2021/05/25

    sain medee baina Tsaashaa bugdiig il gargaj tuluulehiig tuluuleh heregtei

    Хариулах
  • 202.126.89.227
    2021/05/25

    Кү Эс Си чинь Дарханы Төмөрлөгийн үйлдвэр биздээ? Яасан ойлгомжгүй мэдээлэл бичдийн бээ!

    Хариулах
  • 202.21.114.242
    2021/05/25

    Гарчигний утга нь Эрдэнэбилэг төлүүлсөн гэж ойлгогдохоор байх юм.

    Хариулах
    • 64.119.23.160
      2021/05/25

      Яг тэгж ойлгогдохоор бичсэн бна. Зөв бичмээр юм

  • 66.181.187.136
    2021/05/25

    Улсаас хулгайлсан юмных нь хажууд юу ч бишдээ. Эрдэнэтээс бусад хулгайлсан юмнуудыг нь яах вэ

    Хариулах
  • 192.82.75.217
    2021/05/25

    61 тэрбум төлсөн гэжээ.тал нь хэзээ төлсөн юм бэ.талыг нь төлөөд болоо юу.бүрэн мэдээлэл алга.

    Хариулах
  • 203.91.112.133
    2021/05/25

    Энэ мөнгийг Эрдэнэт үйлдвэр маань төлөөд байна уу, Эрдэнэт үйлдвэрээ улсын мэдэлд авлаа гэсэн худлаа юу

    Хариулах