Филиппин бүсгүйн Дауны синдромтой аавдаа зориулж бичсэн захиа дэлхий нийтийг уярааж, уйлуулж байна

2020 оны 07 сарын 29

Эмэгтэй хүний амьдралд аавынх нь эзлэх байр суурийг юутай ч харьцуулшгүй. Аавууд бол охидынхоо амьдралд хамгийн чухал хүн нь байдаг. Охидын хувьд аав нь энэ дэлхийн хамгийн хүчтэй, супер баатар л гэсэн үг. 

Филиппин бүсгүй Ричи Анн Кастело бага наснаасаа л сургуулийнхандаа дээрэлхүүлжээ. Түүний аав дауны синдромтой бөгөөд хүүхдүүд аавыг нь болон өөрийг шоглодог байв. Гэсэн бүсгүй хэзээ ч бусдаас өөр төрсөн аавыгаа хайрлахаа больсонгүй. Тэрбээр өсгөж, тэжээж, хүмүүжүүлж хүн болгосон аавынхаа 50 насны төрсөн өдрөөр өөрийн фейсбүүк хуудсандаа аавдаа зориулж ийн бичжээ. 

Хайрт аав минь,

Өнөөдөр бол таны 50 насны төрсөн өдөр. Би энэхүү захидлаараа танаараа ямар их бахархдаг гэдгээ бүхий л ертөнцөд зарлахыг хүссэн юм. Та бол гаднаа ч дотроо ч маш агуу сайхан хүн. 

Ерөнхий боловсролын сургуульд явдаг байхад минь намайг бусдаас өөр аавтай хэмээн хүүхдүүд дээрэлхдэг байсан. Гэсэн ч би таныг хэзээ ч бусдаас өөр эсвэл дутуу хэмээн бодож байгаагүй юм шүү. Арай жаахан том болоод, хүүхдүүд яагаад намайг гадуурхдагийг мэдмэгцээ жаахан хулчийсан минь үнэн. Гэсэн ч одоо би танаас огтхон ч ичдэггүй, харин бахархдаг гэдгийг минь мэдээсэй.

A Girl Wishes a Happy Birthday to Her Dad With Down Syndrome and Makes Everyone Admire This Strong Man

Та бол миний мэдэх хамгийн зоригтой, хүчтэй хүн. Та бүхий л амьдралынхаа туршид дахиад жаахан ч гэсэн хугацааг надтай хамт өнгөрүүлэхийн төлөө олон удаа хүнд эмчилгээнд орж, мянга мянган тарилга тариулж, мэс засалд орсон. Гэсэн ч та ганц ч удаа гомдоллож байгаагүй. 

Эцэс төгсгөлгүй мэт тэр олон эмчилгээнийхээ дараа ч инээмсэглээд ''Бурхан намайг харж байгаа учраас би айхгүй байна'' хэмээн хэлдэг байсан. Та хэзээ ч эмчилгээнээсээ шантарч, айж байгаагүй.

A Girl Wishes a Happy Birthday to Her Dad With Down Syndrome and Makes Everyone Admire This Strong Man

Таныг өвдсөндөө уйлж байхыг чинь би нууцаар харчхаад хэдэн өдөр гутарч, гуниглаж явсан. Би тэр үед таны өмнөөс өвдчих юм сан гэж бодсон шүү. Та шүдгүй болсон ч дуртай хоолноосоо хэзээ ч татгалзаж байгаагүй. Тэнхрэхийн тулд байдаг бүх чадлаа шавхдаг агуу тэвчээртэй хүн. 

Эзгүй, байнга очиж эргэж чаддаггүй охиноо уучлаарай. Наран шарлагын газар луу ойр ойрхон дагуулж явж чаддаггүй, дуртай баншийг чинь аваачаад өгч амждаггүйг минь уучлаарай. Гэсэн ч одооноос охин нь хичээнэ ээ. 

A Girl Wishes a Happy Birthday to Her Dad With Down Syndrome and Makes Everyone Admire This Strong Man

Таныг амьдралаасаа нуух гэж оролдсоныг минь уучлаарай. Харин ч танаараа бахархах ёстой байтал. Би танаас үлгэр жишээ авдаг, би тандаа таны төсөөлж чадахаас ч илүү их хайртай.

Хүн бүхэнд та ухаарал, инээмсэглэл бэлэглэдэг, тийм л гэгээлэг сайхан хүн. Заримдаа аашилж намайг өөрөөсөө түлхдэг ч би танд хязгааргүй хайртай хэвээрээ л үлдэнэ. 

Аав аа, төрсөн өдрийн мэнд. Үргэлж таны бяцxан охин хэвээр байх болно. Би танаас зоригтой, хүчтэй байхыг сурсан. Хайртай шүү.

Охиноос нь. 

Эх сурвалж: ЗӨВ.МН

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.