Хүн хөгширч үхдэггүй, хөшиж үхдэг гэдэг үг байдаг. Энэ үгийн амьд жишээ бол өдгөө 72 настай Нора Уйллиамс юм.
Хэдийгээр өндөр насанд хүрсэн ч залуу загвар өмсөгчдөөс дутахааргүй бие галбиртай, эрүүл биетэй тэрбээр ''Хэрвээ чи өөртөө анхаарч чадвал нас ахих тусам залуужиж, эрүүл урт удаан амьдарна'' хэмээн хэлэх дуртай.
Тэрбээр үргэлж ийм гоолиг биетэй байгаагүй. Залуу насандаа буюу 28 нас хүртлээ илүүдэл жинтэй байсан Нора нэг л өдөр амьдралаа өөрчилж, өөртөө анхаарах хэрэгтэйг ухаарчээ.
Амьдралын хэв маягаа бага багаар өөрчилж, жин хасах аэробик, кардио дасгалуудыг хийж эхэлсэн байна. Улмаар дасгалаа эрүүл хооллолттой хослуулж, иогоор хичээллэдэг болжээ.
Нора фитнессийн байнгын үйлчлүүлэгч. Ямар ч завгүй байсан долоо хоногтоо хоёр удаа дасгал хийх зав өөртөө гаргадаг гэсэн шүү.
''Би нэг л шөнийн дотор ийм бие галбиртай болоогүй. Маш их хугацаа, хүч хөдөлмөр, сэтгэлийн тэнхээ надаас шаардсан. Би алхам алхмаар урагшилж, өдрөөс өдөрт эрүүлжиж, галбиржиж буй биеэ харан урамшиж, улам илүү хичээх болсон. Өөрийгөө өөрчлөхийг хүсэж байвал хэзээ ч эхлэхэд оройтохгүй.'' хэмээсэн юм.
Би төгс биш. Миний арьс унжсан, энд тэндээ язарсан. Гэхдээ би энэ биедээ хэчнээн хайртай гээч! Илүүдэл жинтэй байхдаа ч, одоо ч би өөрийгөө байгаагаар нь хайрласаар ирсэн. Үүнийг бүсгүйчүүд маань санаарай. Өөрийгөө хайрлах нь хамгийн эхний алхам юм шүү.''
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна