УОК-оос наадмын олон хоногийн амралтын өдрүүдэд хөдөө, орон нутагт зорчих иргэдэд дараах зөвлөгөөг хүргэж байна.
- Өрх, ам бүлийн хүрээнд хөдөө орон нутаг явах /ам бүлийн тоо заагаагүй/
- Аль болох суурин газраар буудаллахгүй, хөдөөний айлаар зочлохгүй, найр наадам үүсгэхгүй, дэлгүүр хоршоо орохгүй байх, орсон тохиолдолд амны хаалтаа тогтмол зүүх, халдвар хамгааллын дэглэмийг чанд мөрдөх
- Хөдөө орон нутгийг зорчих насанд хүрсэн иргэдийн хувьд вакцины нэг, хоёрдугаар тундаа хамрагдсан, эсвэл өвдөөд эдгэсэн гэдгээ нотлох бичиг баримттаа үндэслэн хотоос гарах
- Зөвхөн нэгдүгээр тундаа хамрагдсан болон хоёрдугаар тунгийн вакцинаа хийлгэсэн боловч 14 хоногоос дээш хоноогүй тохиолдолд 48 цаг хүчинтэй ковидын түргэвчилсэн шинжилгээ хийлгэж, хариу нь СӨРӨГ гарсан байх
- Түргэвчилсэн шинжилгээний хариу 48 цагийн дотор хүчинтэй бөгөөд хугацаа нь дууссан тохиолдолд тухайн аймаг руу нэвтрэхэд дахин шинжилгээ өгнө
- Хөдөө орон нутагт зорчих ам бүлээс төлөөлүүлэн 5-17 хүртэлх насны нэг хүүхдээс хамар болон хоолойн арчдасын аль нэг хэлбэрээр түргэвчилсэн шинжилгээ авах бөгөөд СӨРӨГ хариу нь насанд хүрэгсдийн мөн адил 48 цагийн хүчинтэй.
- Орон нутгийн аль ч пост зөвхөн PCR -ын шинжилгээний хариу шаардахгүй бөгөөд түргэвчилсэн шинжилгээний СӨРӨГ хариу PCR шинжилгээний хариуны нэг адил хүчинтэй.
Сэтгэгдэл бичигдээгүй байна