ШУУД | Ц.Магалжав: Бөх, дасгалжуулагчид амжилтанд яарч, хүчтэй эм, тариа хэрэглэх тохиолдол гарч байна

2020 оны 09 сарын 11

Бөхчүүдээс допинг илэрсэн гэх асуудлаар Монголын Үндэсний бөхийн холбооны дэд Ерөнхийлөгч, МУ-ын заан Ц.Магалжаваас тодрууллаа. Тэрээр, "Улсын баяр наадамд зодоглосон шөвгийн дөрвөн бөхөөс допинг илэрсэн байж болзошгүй гэх мэдээлэл цацагдаад байна. Энэ талаар тодрууллаа.  Допингийн шинжилгээ бол үндэсний их баяр наадмын хуульд заасны дагуу авагддаг. Хариуг нь мөн хуулийн дагуу өгдөг. Шинжилгээний хариу Солонгос улсаас гурван хоногийн өмнө ирсэн. Допингийн эсрэг төв, Баяр наадмыг зохион байгуулах хорооруу шинжилгээний хариуг явуулсан. Одоогоор дөрвөн хүний нэр яригдаж байна. Гэхдээ энэ бол одоогоор тодорхойгүй байгаа зүйл. 

Тухайн бөх допинг хэрэглэсэн байх юм бол Б шинжилгээг өгнө, өгөхгүй гэсэн асуудал байдаг. Дэлхий нийтээрээ А, Б шинжилгээг өгдөг. Тэгэхээр Б шинжилгээ өгнө гээд хүсэлт гаргачихсан бол шинжилгээний хариуг иртэл тухайн бөхийн нэр хүндэд халдаж болохгүй. Олон улсад үйлчилж байгаа журам, дүрмийг барьж явах ёстой. 

Энэ жилийн тухайд өмнөх жил шиг бөхчүүдэд утсаар мэдэгдэхгүй гэж хэлсэн. Биечилж уулзасны үндэсэн дээр тухайн бөхчүүдэд шинжилгээнийх нь хариуг олгоод Б шинжилгээгээ өгөхүү, өгөхгүй юу гэдэг асуудлыг ярих байх. 

Тэгэхээр хуулиараа хүмүүсийн шинжилгээний хариуг нийтэд зарлаад байх боломжгүй болчихож байгаа юм" гэлээ.

МЭДЭЭЛЛИЙГ ШУУД ҮЗЭХ: 

Сэтгэгдэл (1)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 09 сарын 11
202.9.46.69
Zochin

Batsuuri azaartaj dee hogiin durvud