Хуульч М.Ичинноров цахим гавыг эсэргүүцсэн Р.Булгамааг эрс шүүмжлэв

2020 оны 09 сарын 18

Хөнгөн ялаар шийтгүүлсэн хүмүүсийг цахим хяналт хийх, техникийн тусламжтайгаар зорчих эрхийг хязгаарлаж, нийгэмшиж гэр бүлтэйгээ байх техникийн шийдэл бүхий тогтоолыг баталсан. Үүнтэй холбоотойгоор гэр бүлийн хүчирхийллийн хохирогчид энэ  шийтгэл  тохирох уу, ямар тооцоо судалгаанд үндэслэсэн бэ гэх зэргээр шүүмжилж байгаа. Хуульч, өмгөөлөгч Р.Булгамаа энэ шийдлийг буруу хэмээн тайлбар хийсэнтэй холбогдуулан хуульч М.Ичинноров байр сууриа илэрхийлжээ. 

Тэрбээр "Х.Нямбаатар сайдын ярьж буй цахим гав  одоо л яригдаж байгаа юм биш. Х.Тэмүүжингийн үед ч, түүнээс өмнө ч яригдаж байсан зүйл. Цахим гавыг гэр бүлийн хүчирхийлэл үйлдэгчид шүүхийн дагуу хохирогчид 1000 метрийн зайнд ойртож болохгүй гэдэг шийтгэл оноосоны дараа хэрэглэдэг.

Өөрөөр хэлбэл, нэгдүгээрт, хохирогчийн амь насыг хамгаалж буй, хоёрдугаарт, гэр бүлийн хүчирхийлэл үйлдэгч бүрийг заавал шоронд хорихгүй байх ялын энэрэнгүй бодлогын нэг хэсэг. Дэлхий даяараа гэр бүлийн хүчирхийлэлтэй тэмцэх эрх зүйн орчиныг сайжруулахдаа АНУ-ын Миннесота мужид хэрэгжсэн Дулут моделийг хэрэглэсэн бөгөөд гэр бүлийн хүчирхийлэлийг таслан зогсооход төр /цагдаа, прокурор, шүүх, нутгийн удирдлага/-ийн бодитой, хүчтэй гадны оролцоо хэрэгтэй бөгөөд шууд баривчилдаг загварчлал юм.

Үүнийг хэрэгжүүлсэнээр гэр бүлийн хүчирхийлэлтэй үл эвлэрэх явдал бий болж, хүчирхийлэл үйлдэгчийн үйлдлийг шууд таслан зогсоож хүмүүсийн амь нас, эрүүл мэндийг хамгаалж чаддаг. Хүчирхийлэл үйлдэгчийг шууд баривчлах, цахим гав суулган, хохирогчид ойртуулахгүй байх, шоронд суулгахаас илүүтэй зан үйлийн сургалтанд хамруулах зэрэг энэрэнгүй ялын бодлогыг хэрэгжүүлэх туршлага байдаг. Хүн засарч болно.

Хохирогч, хүчирхийлэл үйлдэгч нарын хооронд үр хүүхэд, хайрын болон бусад харилцаа, хамаарал оршин байдаг гээд энэ асуудалд нухацтай хандах шаардлага зайлшгүй байдаг. Энэ асуудлаар хүний эрхийн ямар ч боловсролгүй худал, хуурмаг, улс төрийн ашиг хонжоо хайсан, од болохын өвчин туссан, цаазын ял гэж хашгирсан, охид, эмэгтэйчүүдийн хүчирхийллээр од болохыг хэт их хичэээсэн зарим нэг этгээдийн яриаг биш, яг мэргэжлийн хүмүүсийн үгийг сонсох хэрэгтэй.

Номын дууг нь сонссон, яг энэ асуудлаар газар дээр нь ажилладаг АРВИНТАРИА мэтийн мэргэжлийн өмгөөлөгч, хуульчдын үгийг сонсох хэрэгтэй. Хэн нэгнийг өмгөөлөх гэсэнгүй, хэн нэгнийг муулах гэсэнгүй. Цахим гав нэвтрүүлэх нь зөв. Гэхдээ одоо яригдаад байгаа сайд нарын шахааны бизнес болгож болохгүй. Нээлттэй тендерээр нийлүүлэх компанийг шударгаар сонгох ёстой. Зарим нэг зүйлд дуугүй өнгөрч болохгүй юм аа. Мэргэжлийн хүн мэргэжлийн асуудалдаа үгээ хэлэх л хэрэг гарах юм. Сайн ойлгож уншаарай" гэжээ. 

 

 

 

Сэтгэгдэл (1)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 09 сарын 20
192.82.75.76
ам дутаагүй ээ

Энэ авгай хаана л үйл явдал гарна тэнд очиж шүдэнз зурах юм.Хийж бүтээсэн юм байхгүй сүржинж явахаа больчино уу? Тэр америкт хэрэгждэг юм бүхэн манай хөрсөнд суух сэтгэл зүйн болоод эдийн засгийн нөхцөл бүрдсэн үү?Аль эсвэл хэдийд хэрэгжих нь тодорхойгүй үлгэр үү?Өнөөдөр ажил хийдэг гар дутсан уу? гэхээс ам ер дутаагүй бүр илүүдээд байна