PC тоглоомын газрууд эрүүл ахуйн дэглэм зөрчиж байна

2020 оны 09 сарын 21

УОК-ын шийдвэрээр PC тоглоомын газрууд өнгөрсөн сарын 27-ноос эхэлж ажиллаж эхэлсэн. Үүнтэй холбоотойгоор эрүүл ахуйн дэглэм мөрдөж ажиллах шаардлага тавьж, Нийслэлийн мэргэжлийн хяналтын газраас цагдаагийн байгууллагатай хамтран 47 цахим тоглоомын газарт шалгалт хийхэд 44 нь эрүүл ахуйн дэглэм зөрчжээ. Хяналт шалгалтаар, зөрчил гаргасан найман иргэнд 1,5 сая төгрөгийн торгох шийтгэл ногдуулсан байна.

Нийслэлийн мэргэжлийн хяналтын газрын мэдээлснээр зөрчил гаргасан аж ахуй нэгжүүдэд эхний ээлжид зөрчлөө арилгах мэдэгдэл хүргүүлэх аж. Дараа нь хяналт, шалгалтаар зөрчлөө арилгаагүй бол үйл ажиллагааг нь түр хугацаанд зогсоох, тусгай зөвшөөрлийг нь цуцлах хүртэл арга хэмжээ авна гэдгийг анхааруулсан билээ.

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.