“Амьдралыг чинь 3 секундэд шийднэ” хэмээн ажилчдаа дарамталдаг гэх Ц.Уртнасанд сайдын суудал “ТОМДОЖ” байна

БОАЖ-ын сайд Ц.Уртнасангийн ажлын хариуцлагагүй байдал, ёс зүйтэй холбоотой мэддээллүүд хэвлэлээр “хөврөх” болсон. 

Тухайлбал, нүдэн дээр  нь туулын бургасыг хядаж, тусгай хамгаалалттай газар барилгууд баригдаж байхад анхаарал хандуулдаггүй сайд ажилчдаа өрөөндөө дуудаад, “Миний үгээр явахгүй бол зайл”, “Амьдралыг чинь 3 секундэд шийднэ...9 секундэд шийднэ...30 секундэд шийднэ" хэмээн сүрдүүлдэг, хувийн эрх ашгийг нь хангахгүй бол хөөж туудаг.

Байгаль орчны салбартаа мэргэшсэн, хоёргүй сэтгэлээр зүтгэсэн, насаараа ажилласан мэргэжилтнүүдээ өөрийн үзэмжээр халдаг, хална солино хэмээн сүрдүүлж дарамталдаг тухай мэдээлэл олон нийтэд ил болсоор байна. Бүр шоронгийн хулигаан шиг элдэв хараал урсгаж, орилж чарладаг тухай яриа “олны нүдийг орой дээр нь гаргах” болов.

Мөн Ц.Уртнасан сайдыг байхгүйд тамга дарагдах учиртай бүх ажлууд, бичиг баримт гацдаг, ач холбогдол бүхий маш олон ажил түүний “аашнаас” болж таг зогссон гэх.

Энэ хүн яаж яваад энэ салбарын оройд гараад суучихсан юм бэ гэж шогшрох хүн ч олон байна. 
Ц.Уртнасангийн хувьд сайд болохоосоо өмнө УИХ-ын гишүүн Ч.Ундрамын хэвлэлийн төлөөлөгч, МУ-ын Шадар сайд асан Я. Содбаатарын зөвлөхөөр ажиллаж байсан. Тухайн үед түүнийг Ч.Ундрам, Я.Содбаатар нар түүнийг шинэ засагт хүчтэй дэмжсэн. Шалтгаан нь УИХ-ын гишүүн Ч.Ундрамын аав Чинбат Сэлэнгэ аймагт алтны уурхай ажилуулдаг. Энэ уурхай зогсох магадлал маш өндөр байсан. Тиймдээ ч Ч. Ундрамын аавын компанийг “хамгаалах” үүрэг хүлээсэн сайд хэмээн цахим орчинд бичих хүн олон байв. 

Мөн тэрбээр тухайн үед “Ичээнээс гарлаа. Гадуур дотуур ажил хөөцөлдөе” гэж жиргээд төд удалгүй шинэ засгийн газрын танхимд багтсаныг иргэд ил тод шүүмжилж байв. “Ичээнээс” гараад сайд болсон Ц.Уртнасан байгаль орчин, аялал жуулчлалын талаар мэдлэг нимгэн, мэдээний сэтгүүлч, хувийн телевизийн гүйцэтгэх захирлаас өөр хийсэн ажлын намтаргүй түүнд сайдын суудал үнэндээ ТОМДОЖ байна.

Мэргэшсэн, мэргэжлийн онцгой ур чадвар шаарддаг салбарт оччихоод мэргэшсэн мэддэг хэдээ дарамтлахаас өөр зүйл хийж чадахгүй суугаа Ц.Уртнасангийн томилгоо төрийн албыг илт доромжилсон хэрэг байсан гэдгийг ийнхүү цаг хугацаа харуулж эхэллээ.