Ерөнхийлөгч, долларын тэрбумтны хөвгүүдийг  “ардаа орхиж”  хол тасархай  ялсан Ү.Оюунзул  

2020 оны 10 сарын 19

НИТХ-ын сонгуульд удам дамжиж, улстөрд орж ирсэн шинэ, хуучин залуус хэд хэдээрээ нэр дэвшсэн ч  өвдөг шороодлоо. Аавыгаа ярьж, эгэл олны дунд  орох гэж  мэрийсэн Ерөнхийлөгч асан Ц.Элбэгдоржийн хүү Эрдэнэ, ааваараа хөтлүүлэн айл өрхөөр шалбааг туулан таваргасан Энхбаярын Батшугар нар ялагдал хүлээв.  

НИТХ-ын сонгуулийн 6-р тойрог Баянзүрх дүүрэг чанга тойргуудын нэг байв. Энэ тойрогт 2 мандатын төлөө  АН-аас нэр дэвшсэн Элбэгдоржийн хүү Эрдэнэ,  Эрдэнэбилэгийн Тамир нар  нэр дэвшсэн. Нэг үгээр АН энэ тойрогт эрх мэдэлтэй, их мөнгөтэй залуусыг  илгээсэн юм. Харин Хөдөлмөрийн Үндэсний намаас УИХ-ын дарга асан Р.Гончигдоржийн Уянгахишиг өрсөлдсөн. 

Харин тэдний эсрэг МАН-аас нэр дэвшсэн залуу боловсон хүчин, улстөр судлаач, багш бүсгүй Үнэнбатын Оюунзул, Дамдинсүрэнгийн Энхбаяр өрсөлдөж хоёулаа ялалт байгууллаа. “Ардын охин, Ардын хүч” уриатай оролцсон Үнэнбатын Оюунзул хамгийн олон  буюу 8828 хүний саналаар ялалт  байгуулсан.

Харин ялна  гэх таамаглалд багтаж байсан Э.Эрдэнэ түүнээс даруй 3000 хүний саналаар бага буюу 5831 санал авсан бол  нөлөө бүхий  томоохон  бизнестэй   Э.Тамир 7001 хүний санал авчээ.

Хамгийн чанга тойрогт өрсөлдөгчдөөсөө хол тасархай санал авна гэдэг  эмэгтэй хүний хувьд  амаргүй даваа.  Баянзүрхчүүд  энэ удаа  эгэл ардын охин, ард түмний амьдрал, асуудал бэрхшээлийг мэдэрч ажиллаж чадна гэж Үнэнбатын Оюунзулд итгэл хүлээлгэжээ. 

Т.Хэрлэн 

Сэтгэгдэл (3)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 10 сарын 23
66.181.161.74
Bayar hurgej amjilt

Amjilt husch bna hesgin ahlagch nar

2020 оны 10 сарын 19
202.55.188.38
Mundag

Mash sain bn ulam wrch hvchtei ard tvmeniihe tuluu ajilaarai amjilt husie

2020 оны 10 сарын 19
202.55.188.46
8-р хороо

Нэр цэвэр төдийгүй сонгогдсон дүүрэгтээ сэтгэл, итгэл, зүтгэлээр сайн ажиллаж чадах мундаг эмэгтэй шүү. Амжилт хүсье