Д.Сумъяабазарын гишүүний сэнтийд ХЭН очих вэ?

2020 оны 10 сарын 26

Намын үүрэг даалгаврыг хүлээн авч, хотын даргаар томилогдсон Д.Сумъяабазар УИХ-ын гишүүнээсээ өөрийн хүсэлтээр чөлөөлөгдөв. Учир нь 

Хуульд зааснаар
42.1.Гишүүн бүрэн эрхийнхээ хугацаанд дараах ажил, албан тушаал хавсран гүйцэтгэх эрхтэй:
42.1.1.Ерөнхий сайд, Засгийн газрын гишүүн;
42.1.2.улс төрийн намын сонгуульт албан тушаал;
42.1.3.багшлах болон эрдэм шинжилгээний ажил.
42.1.4.төрийн бус байгууллагын сонгуульт албан тушаалыг хавсран гүйцэтгэж болно гэжээ. 
Тиймээс Сонгинохайрханчуудыг төлөөлөх нэг эрхмийг нөхөн сонгуулиар тодруулна. Ингэхдээ нөхөн сонгуулийг ирэх онд Ерөнхийлөгчийн сонгуультай хамтатгах эсвэл аравдугаар сард нь явуулах юм. Ингэхдээ зөвхөн тухайн тойрогт нэг мандатын төлөө сонгуулийг явуулах бөгөөд нам, эвслүүд өөрсдийн нэр дэвшигчийг тодруулах учиртай. 

Тиймээс Сонгинохайрхан дүүргийн 28-р тойрогт нөхөн сонгууль явуулахаар болоод байгаа юм.  

Тус тойрогт

Н.Учрал 53651 саналаар нэгээр,
Д.Сумъяабазар 36785 саналаар хоёроор,
П.Анужин 32031 саналаар гуравт бичигдсэн.
Харин тэдний араас дөрөвт Та бидний эвслээс нэр дэвшсэн Э.Батшугар 22991 саналаар дөрөвт, бие даан нэр дэвшсэн С.Мөнхчулуун 11579 саналаар тавд бичигдсэн юм. Харин АН-аас их аварга, асашёорюү Д.Дагвадорж нэр дэвшиж магадгүй талаар бор шувуу нисч байна. Харин эрх баригч МАН-аас хэд хэдэн хүний нэр дуулдаж байгаа ч эцсийн байдлаар шийдээгүй бололтой. 

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.