УОК-ын бус гишүүд цар тахлын талаар бүрэн бус мэдээллийг олон нийтэд мэдээлэхгүй байхыг анхаарууллаа

2020 оны 11 сарын 16

Улсын онцгой комиссын даргын шуурхай хуралдаан яг одоо болж байна. Хуралдаанаар УИХ-ын гишүүд, УОК-ын бус гишүүд цар тахлын хариу арга хэмжээний талаар бүрэн бус мэдээллийг олон нийтэд мэдээллэхгүй байхыг шат шатанд нь анхааруулсан болохыг Засгийн газрын Хэвлэл мэдээлэлтэй харилцах хэлтсийн дарга Ц.Ганзориг мэдээллээ.

Шинэ коронавирусийн халдвартай холбоотой мэдээллийг УИХ-ын гишүүд болон өмнө нь УИХ-ын гишүүнээр ажиллаж байсан хүмүүс цахим орчинд түгээж буй бөгөөд цар тахлын хуулиар мэдээлэл нэг шугамаар гарахаар заасан юм. Тухайлбал, өчигдөр УИХ-ын гишүүн С.Бямбацогт хөл хориог УИХ-ын гишүүн аса хоног сунгасантай холбоотойнгоор орон нутгаас ирсэн иргэдийг ирэх лхагва гараг хүртэл нөхцөл байдлыг харгалзан нарийн дэглэмээр нэг удаа зохион байгуулахаар болсон талаар мэдээлсэн. Гэвч хөдөө орон нутгаас ирсэн иргэдийг гаргах шийдвэр гараагүй болохыг Ц.Ганзориг хэлсэн юм.

Мөн өнөөдөр УИХ-ын гишүүн асан М.Зоригт Хэнтий аймагт сэжигтэй тохиолдол илэрсэн талаар албаны мэдээллээс түрүүлж нийтэлсэн, Дархан-Уул аймагт хийсэн шинжилгээний талаар УИХ-ын гишүүн Д.Батлут, УИХ-ын гишүүн асан Д.Хаянхярваа нар албаны мэдээллээс өмнө цахим орчинд мэдээлэл түгээсэн зэрэг тохиолдлууд байгаа юм.

Сэтгэгдэл (1)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 11 сарын 16
58.109.221.157
zochin

Olon tolgoitoi baih iim ued osoltoi shuu