Эрдэнэтэд халдварын сэжигтэй тохиолдол илэрсэн тул хөдөлгөөнийг хязгаарлалаа

2020 оны 11 сарын 19

Орхон аймагт сүүлийн 3 хоногийн хугацаанд 1600 иргэнээс коронавирусын түргэвчилсэн оношлуураар шинжилгээ авахад сэжигтэй хэд хэдэн тохиолдол гарч байгаа тул аймгийн нийт ард иргэд, аж ахуйн нэгж, байгууллагууд хорио цээрийн дэглэмээ чанд сахин биелүүлэхийг Орхон аймгийн Онцгой комиссоос мэдээллээ.

Орхон аймгийн Засаг дарга С.Батжаргал "Дархан-Уул аймагт батлагдсан тохиолдлын ойрын хавьтал манай аймагт байгаа тул бид өгөгдсөн маршрутын дагуу тандалт судалгааг хийж ажиллаж байна. 1600 орчим хүнээс түргэвчилсэн тест авч, ХӨСҮТ рүү илгээсэн. Нэлээд хэдэн сэжигтэй тохиолдол байгаа тул аймгийн онцгой комиссын шийдвэрийн дагуу гаргасан шийдвэрийг биелүүлж гэрээсээ гарахгүй байхыг анхааруулж байна. Засгийн газраас гаргасан тогтоолын дагуу заагдсан албан байгууллагаас бусад газруудыг ажиллахгүй" гэв. 

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.