ДАШТ-д өрсөлдөх боксчид маргааш Сербийг зорино

Боксын насанд хүрэгчдийн ДАШТ Серби улсын Белград хотод энэ сарын 22-ноос ирэх сарын 7-нд болно. Тус тэмцээнд Монголын есөн ширэн бээлийтэн оролцоход бэлэн болж, бэлтгэл ханажээ.

Монголын боксын холбооны Ерөнхийлөгч, УИХ-ын гишүүн, Хууль зүй дотоод хэргийн сайд, Х.Нямбаатар, МБХ-ны Дэд ерөнхийлөгч, “Эрдэнэт үйлдвэр” ТӨҮГ-ын хамтын ажиллагаа, нийгмийн асуудал хариуцсан орлогч захирал Ц.Бат-Энх, Н&Н ХХК-ийн захирал М.Майдар нар тамирчдаа хүлээн авч уулзан, амжилт хүсэв.

108 орны 600 гаруй тамирчин эрэгтэйчүүдийн есөн жинд өрсөлдөх ДАШТ-д оролцох Монголын боксчид маргааш Серби улсыг зорино.

ДАШТ-д өрсөлдөх Монголын багийн бүрэлдэхүүн:

Шигшээ багийн ахлах дасгалжуулагч Жадамбын Энхтөр, туслах дасгалжуулагч Отгончулууны Батхүү, Болдын Эрдэнэбаяр.

48 кг: Ганхуягийн Ган-Эрдэнэ /ОУХМ/, /Gan-sport сеnter/

51 кг: Хархүүгийн Энмандах /ОУХМ/, /Үндэсний шигшээ баг, “Алдар” спорт хороо/

54 кг: Энх-Амгалангийн Баярсайхан /СМ/, / Үндэсний шигшээ баг, “Хилчин” спорт хороо/

57 кг: Хархүүгийн Энх-Амар /ОУХМ/, /Үндэсний шигшээ баг, “Алдар” спорт хороо, “Мон-Алтиус” дээд сургууль, МАК компани/

60 кг: Оюунбаатарын Тулга /СМ/, /”Алдар” спорт хороо/

63.5 кг: Баттөмөрийн Мишээлт /СМ/, / Үндэсний шигшээ баг, “Аврагч” спорт хороо/

67 кг: Баатарсүх Чинзориг /ОУХМ/, Үндэсний шигшээ баг, “Алдар” спорт хороо, “Капитрон” банк/

71 кг: Отгонбаатарын Бямба-Эрдэнэ /СМ/, / Үндэсний шигшээ баг, “Хилчин” спорт хороо/

75 кг: Уранчимэгийн Мөнх-Эрдэнэ /МУГТ, “Эрдэнэт үйлдвэр” ТӨҮГ, “Хангарьд” спорт хороо/

Энэ мэдээнд өгөх таны үнэлгээ