Г.Занданшатар: АН-ын бүлгийн дотоод асуудлыг УИХ-ын Тамгын газар шүүхгүй, асуудлаа дотооддоо шийд

С.Гандэлгэр
2021/10/21

Өнөөдрийн чуулганы хуралдааны үеэр УИХ-ын дарга Г.Занданшатар АН-ын бүлгийн гишүүдэд хандаж дотоод асуудлаа цэгцлэхийг анхаарууллаа.

Тэрээр “Та бүхэн дотоод асуудлаа дотооддоо шийд. УИХ-ын тухай хуулиар 11 гишүүнтэй бүлэг байгуулагдсан. Харин эндээс хэн нь гарч, хэнийгээ хөөх вэ гэдэг нь танай намын бүлгийн дотоод асуудал. Бүлгийн дарга нь өөрийн албан бланк дээр дөрвөн бичиг ирүүлсэн. Эхлээд Н.Алтанхуяг, С.Ганбаатар нар манай намаас нэр дэвшиж сонгогдоогүй тул хасаж өгнө үү гэсэн. Дараа нь Ц.Туваан, Ж.Батсуурь, Н.Ганибал нарыг хөөсөн бичиг ирсэн. Гэтэл Б.Бейсен гишүүний албан бланк дээр АН-ын бүлгийн дарга Д.Ганбатыг хөөсөн АН-ын бүлгийн шийдвэрийг албажуулна уу гэсэн бичиг ирсэн. Би энэ бүхнийг хийж суудаг хүн нь биш. УИХ-ын Тамгын газар шүүх биш. Бидний мэддэг асуудал биш учраас та бүхэн дотооддоо асуудлаа шийд. УИХ болон Тамгын газрын ажлыг битгий ойлгомжгүй байдал руу түлхээд бай.” гэлээ.



Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 202.55.188.100
    2021/10/22

    Зөв

    Хариулах
  • 192.82.87.7
    2021/10/22

    зөв шал эргүү юмнууд дотроо учраа олохгүй байж бас томорноо

    Хариулах