Дэвид Бекхэм Монголд зочилж, хөлбөмбөгч болох мөрөөдөлтэй хүүхдүүдэд урам өгөхийг хүсдэг

Жүжигчин, модель А.Баярцэцэг Английн алдарт хөлбөмбөгч Дэвид Бекхэмтэй уулзжээ. Алдарт хөлбөмбөгч түүнд хэзээ нэгэн цагт Монголд зочилж, хөлбөмбөгч болох мөрөөдөлтэй монгол хүүхдүүдэд урам зориг өгөхийг хүсдгээ илэрхийлсэн байна.

А.Баярцэцэг фэйсбүүк хуудастай алдарт хөлбөмбөгчтэй авахуулсан зурагаа “Дэлхийн алдарт хөлбөмбөгчин Дэвид Бэкхемтай уулзаж ярилцах гайхалтай боломж тохиолоо. Монгол улсад маань зочилж, хүүхдүүдэд хөлбөмбөг тоглох мотиваци өгөх хүсэлтэй гэнэ. Бас The Mongol Khan жүжгийг маань хараахан үзэж амжаагүй ч Лондонгоор нэг сурталчилгааг нь харсан гээд мэдэж байна” гэсэн тайлбарын хамт нийтэлсэн байна.