Хөлбөмбөгийн ДАШТ-д шалгараад буй хамгийн жижиг улс Кабо-Верде

Кабо-Верде улс анх удаа ФИФА-ийн Дэлхийн аварга шалгаруулах тэмцээнд оролцохоор боллоо.

Тэд Эсватиныг 3:0- ийн харьцаатайгаар хожин, CAF-ийн D хэсгийг тэргүүлж, ФИФА-2026 тэмцээнд оролцох эрхээ гардан авлаа .

Хүн ам нь ердөө 500,000 гаруй энэ арлын улс нь Исландын дараа ДАШТ-д шалгарсан хүн ам хамгийн цөөтэй хоёр дахь улс болж байна. Мөн Кабо-Верде улс нь газар нутгийн хувьд ердөө 4,000 км2 нутагтай, ДАШТ-д шалгарсан хамгийн жижиг улс болж байна.

Өнгөрсөн лхагва гаригт Ливитэй хийсэн тоглолтод ялбал шууд шалгарах боломжтой болсон ч 3:1-ээр хожигдож байхдаа гайхалтай эргэн ирэлт хийж тэнцсэний дараа нэг оноо аваад байв. Гэвч бүх зүйл тэдний гарт орж Эсватиниг талбай дээрээ 3:0 харьцаатай буулган авч ажил хэргээ бүрэн дуусгасан юм.