СЭРЭМЖЛҮҮЛЭГ: “Урамшуулал”, “бэлэн мөнгө” амласан залилангийн үйлдлүүд буурахгүй байна

Сүүлийн үед аливаа байгууллагын нэрийг барьсан “урамшуулал”, “бэлэн мөнгө” амласан залилангийн үйлдлүүд буурахгүй байна. Ялангуяа хүмүүсийн сонор сэрэмж сулардаг амралтын өдрүүдэд ийм төрлийн залилан илүү идэвхжих хандлагатай байна.

Иймд иргэд та бүхэн бэлэн мөнгө амласан сэжигтэй линк дээр дарахгүй байх, мөн ямар ч тохиолдолд Интернэт банкны нэвтрэх нэр, нууц үг, гар утсанд чинь ирсэн нэг удаагийн баталгаажуулах кодоо оруулахгүй байхыг онцгойлон анхааруулж байна.

Сэжигтэй линк дээр дарвал юу болох вэ?
Хэрэв та:
• Хуурамч линкээр нэвтэрч,
• Интернэт банкны нэвтрэх нэр, нууц үгээ оруулж,
• Гар утсанд ирсэн нэг удаагийн кодоо хийсэн даруйд таны данс шууд залилагчийн мэдэлд очиж, мөнгөө алдах өндөр эрсдэлтэй.