Х.Булгантуяа: Ерөнхийлөгчийн санаачилсан хуулийг дэмжихгүй байна

УИХ-ын гишүүн Х.Булгантуяагаас Ерөнхийлөгчийн санаачилсан УИХ-ын эгүүлэн татах тухай хуулийн талаар байр суурийг нь тодрууллаа.

Тэрбээр, "Ерөнхийлөгчийн санаачилсан хуулийг дэмжихгүй байна. Энэ хууль сөрөг хүчин болон жижиг намуудад ширүүн тусах байх.

УИХ-ын чуулгандаа сууж чадахгүй байгаа хүн давхар гишүүн бөгөөд сайд хийж чадахгүй шүү дээ. Өнөөдрийг хүртэл энэ асуудлыг огт авч хэлэлцдэггүй байж байгаад одоо л энэ хамгийн том асуудал юм аа гэж болохгүй.

Нийгмийн бухимдлыг ёс зүй гэдгээр хэдэн хүмүүс дээр гаргаад л нөгөө хэдэн зуун сая долларын хээл хахууль авсан өгсөн гэж яригддаг хүмүүс нь хойд талд нь үлдээд байх вий гэдэг айдас байна. Ард түмэн шударга ёсыг л хүсэж байгаа шүү дээ" гэлээ.