ОХУ-ын Засгийн газрын тэргүүн М.Мишустин Г.Занданшатарт талархал илэрхийлжээ

ОХУ-ын Засгийн газрын тэргүүн Михайл Мишустин Г.Занданшатартай утсаар холбогдож, яриа өрнүүлжээ.

Тэрбээр хамтран ажилласан цаг хугацааг дурсан, хоёр улсын харилцааг урагшлуулахад хамтдаа гар нийлж, үр дүнтэй ажилласанд нь талархаж байгаагаа хэлсэн байна. Мөн цаашид ч харилцан итгэлцэл, найрсаг харилцаагаа улам бататгана гэдэгт итгэлтэй байгаагаа хэлжээ.

Дашрамд дурдахад Г.Занданшатар НҮБ-ын Ерөнхий нарийн бичгийн дарга асан Бан Ги Мүний урилгаар БНСУ-д “Бан Ги Мүн” сангийн олон улсын үйл ажиллагаанд оролцож байгаа юм байна.