“Улаанбаатар 2026”: Өнөөдөр манай гурван тамирчин мөнгөн медалийн төлөө тулалдана

“Улаанбаатар 2026” боксын насанд хүрэгчдийн Ази тивийн АШТ-ий хагас шигшээ тулаанууд өнөөдөр “Аса арена”-д үргэлжилнэ.

Манай тамирчдаас эмэгтэйчүүдийн 48 кг-ын жинд Энх-Амгалангийн Номундарь Казахстаны Айгерим Саттибаеватай, эрэгтэйчүүдийн 75 кг-ын жинд Ганзоригийн Далай Казахстаны Сабыржан Аккалыковтой, эрэгтэйчүүдийн 85 кг-ын жинд Доржийн Бариахаан Казахстаны Нурбек Оралбайтай тус, тус мөнгөн медалийн төлөө тулалдана.

Тулаан 12.00, 17.00 цагаас явагдах бөгөөд манай тамирчдын тулаан үдээс өмнө, бичсэн дараалаар явагдана.