Н.Учралын Засгийн газар зургаан дэд сайдтай ажиллана

Ерөнхий сайд Н.Учрал "Ерөнхий чиг үүргийн яамдаас бусдад нь дэд сайд шаардлагагүй гэж үзэж байгаа" хэмээн мэдэгдсэн.

Өөрөөр хэлбэл, Эдийн засгийн хөгжлийн яам, Сангийн яам, Хуульзүйн яам, Гадаад харилцааны яамнаас бусад нь дэд сайдгүй ажиллахаар байсан юм. Тэгвэл шинэ Засгийн газар зургаан дэд сайдтай ажиллахаар болсон байна.

• Гадаад харилцааны дэд сайдаар Г.Амартүвшин,
• Эдийн засаг, хөгжлийн дэд сайдаар С.Даваасүрэн,
• Сангийн дэд сайдаар О.Хулан,
• Байгаль орчин, уур амьсгалын өөрчлөлтийн дэд сайдаар Б.Мөнхтамир
• Батлан хамгаалахын дэд сайдаар Д.Баасандамба нар үргэлжлүүлэн ажиллах нь ээ.

Энэ жил манай улсад Cop-17 зохион байгуулагдахаар байгаа тул БОУАӨЯ зайлшгүй дэд сайдтай байх шаардлага үүссэн бололтой.

Сануулахад, Ардчилсан намаас дэд сайд нарыг үүрэгт ажлаас нь чөлөөлөх шаардлага тавьсан. Энэ хүрээнд дэд сайд нарын талаас илүүг нь цомхотгож, зургаан сайдыг хэвээр үлдээлээ.