ТББХ: Ерөнхийлөгчийн санаачилсан УИХ-ын гишүүнийг эгүүлэн татах хуулийн төслийг хэлэлцэхийг хойшлууллаа

Улсын их хурлын хуралдааны товоор өнөөдөр таван байнгын хороо хуралдана.

Гуравдугаар сарын 09-ний өдөр Ерөнхийлөгч У.Хүрэлсүх УИХ-ын гишүүнийг эгүүлэн татах хуулийн төслийг санаачлөн УИХ-д өргөн барьсан.

Тэгвэл УИХ-ын Төрийн байгуулалтын байнгын хороо өнөөдөр 09.00 цагт хуралдаж Ерөнхийлөгчийн санаачилсан хуулийн төслийг хэлэлцэх эсэхийг шийдэх байсан ч хойшлуулжээ.

Тодруулбал, Ерөнхийлөгчийн тамгын газраас Ерөнхийлөгчийн санаачилсан УИХ-ын гишүүнийг эгүүлэн татах хуулийн төслийг ТББХ-оор хэлэлцэхийг түр хойшлуулахыг хүсчээ. УИХ-ын дарга хараахан томилогдоогүй байгаа тул хэлэлцэхийг түр хойшлуулах хүсэлт тавьжээ. Шинэ УИХ-ын даргатай ярилцаж, тохиролцох асуудлууд байна хэмээсэн талаар ТББХ-ны дарга Ц.Сандаг-Очир хэллээ.