Сайдуудаа томилоогүй учир өнөөдөр Засгийн газар хуралдахгүй

Ерөнхий сайд Г.Занданшатар өөрийн хүсэлтээр чөлөөлөгдөж МАН-ын дарга Н.Учралыг Ерөнхий сайдаар томилсон.

Одоогоор Засгийн газрын бүтэц, бүрэлдэхүүн тодорхой болж, томилогдоогүй байгаа. Долоо хоног бүрийн лхагва гарагт Засгийн газрын ээлжит хуралдаан болдог. Ерөнхий сайд Засгийн газраа шуурхай бүрдүүлэхээ илэрхийлсэн ч өнөөдрийн байдлаар Засгийн газраа бүрдүүлж амжаагүй тул Засгийн газрын ээлжит хуралдаан болохгүй.

Засгийн газрын бүрэлдэхүүнийг Ерөнхийлөгчтэй зөвшилцөн УИХ-д танилцуулж тангараг өргөснөөр Н.Учралын Засгийн газар бүрэн эрхээ хэрэгжүүлэх боломж бүрдэх юм.