Ж.Батжаргал: Бүлгийн хурлаар бүх асуудлыг ярилцана

МАН-ын бүлэг 14:00 цагт ээлжит бусаар хуралдаж улс төрийн шийдвэр гаргана. Уг асуудалтай холбогдуулан МАН-ын бүлгийн дарга Ж.Батжаргал мэдээлэл өглөө.

Тэрбээр, "УИХ-ын дарга чуулганыг хойшлууллаа. МАН-ын бүлэг хуралдаж, нөхцөл байдалдаа үнэлэлт дүгнэлт өгч улс төрийн шийдвэр гарга гэдэг чиглэл өгсөн. Тиймээс МАН-ын ээлжит бус хурлыг 14 цагт хуралдуулахаар боллоо.

Бүлгийн хурлаар бүх асуудлыг ярилцана. Би бүлгийн дарга болохоос цэцэрлэгийн багш биш. УИХ-ын гишүүд хуралдаа суух үүрэгтэй, суугаагүй гишүүдийн араас хөөцөлдөж чадахгүй" гэлээ.