Х.Ганхуяг: Шинэ хоршооны зээл хэвийн төлөгдөж байгаа ч түр зогсоохоор болсон

Шадар сайд Х.Ганхуяг "Шинэ хоршоо хөдөлгөөн"-ий талаар өнөөдөр /2026.03.17/ мэдээлэл өглөө.

Тэрбээр "Анх 50 сая хүртэл жилийн зургаан хувийн хүүтэй, 60 сар хүртлэх хугацаатай зээл олгосон байдаг. Энэ нь малчдын амжиргааг дэмжих зорилготой байсан.

Өнөөдрийг хүртэл 894 тэрбум төгрөгийн зээлийг 10578 "Шинэ хоршоо хөдөлгөөн"-ий гишүүдэд олгосноос 119 тэрбум нь эргэн төлөгдсөн байна. Чанаргүй зээл байхгүй. Зээл төлөлт хэвийн байгаа.

Уг зээлийг дахин олгохгүй, түр хугацаанд зогсооно" гэв.