ХЭВЛЭЛ: Монгол Улс газрын тосны бүтээгдэхүүнээр ОХУ-аас 100 хувь хараат боллоо

АНУ, Израиль-Ираны дайны нөлөө Монголд БНХАУ-аар дамжиж орж ирэх нь анхнаасаа тодорхой байсан билээ. Юуны түрүүнд Эрчим хүчний эх үүсвэрийн дутагдлаас үүдэлтэй үйлдвэрлэлийн бууралт Монголоос БНХАУ-д нийлүүлдэг түүхий эдийн эрэлтийг багасгаж, үнэ ханшид сөргөөр нөлөөлөх магадлал өндөр болоод буй. Тэгвэл эхний ээлжинд БНХАУ газрын тосны бүтээгдэхүүний экспортыг бүрэн хориглов. Ингэснээр Монгол Улс асуудал намжтал ганц ОХУ-аас хэрэглээгээ хангах нь тодорхой болоод буй.

Хойд хөршийн хэвлэл БНХАУ-ын шийдвэртэй холбоотойгоор “Монгол Улс газрын тосны нийлүүлэлтээр ОХУ-аас 100 хувь хараат боллоо” гэсэн мэдээллийг сүүлийн 3-4 хоногийн турш идэвхитэй түгээж байна.