"ESL Pro League Season 23": “The MongolZ”-“Natus Vincere” багтай тоглоно

Цахим спортын Counter strike-2 /CS2/ төрлийн "ESL Pro League Season 23" тэмцээний хасагдах шатны тоглолт өнөөдөр Шведийн Стокхольм хотод эхэлнэ.

776 мянган ам.долларын шагналын сантай тус тэмцээний шөвгийн наймд Монголын “The MongolZ”, Германы “MOUZ”, ОХУ-ын “Теаm Spirit”, Бразилын “Legacy”, Туркийн “Аурора”, Данийн “Астралис”, Европын холбооны FUT, “NaVi” зэрэг найман баг үлдсэн.

Тэмцээнд оролцсон /плей оффт шалгарсан болон хасагдсан/ багууд.

“The MongolZ” өнөө орой Укрианы “Natus Vincere” багтай тоглоно. Тоглолт Улаанбаатарын цагаар 17.00 цагт эхэлнэ. Хоёр багийн хожсон нь Туркийн “FUT Esports” болон Германы “MOUZ” багуудын аль хожсонтой нь тоглох юм.