“АИЧИ, НАГОЯ 2026”: 3х3 сагсан бөмбөгийн эрэгтэй шигшээ Филиппинд хожигдлоо

“Аичи, Нагоя 2026” Азийн наадмын 3х3 сагсанбөмбөгийн тэмцээн эхэллээ. Тэмцээний А хэсэгт багсан Монгол Улсын эрэгтэй шигшээ баг дөнгөж сая Филиппиний багт 12:19 оноогоор хожигдлоо.

Манай багаас Г.Болор-Эрдэнэ, Ч.Тэмүүлэн, Г.Балжинням нар тус бүр дөрвөн оноо авсан бол С.Биндэръяа таван удаа самбараас бөмбөг авчээ.

Тоглолтын хувьд ойролцоо байсан ч айлын баг илүү оновчтой довтолсноороо тоглолтыг өөрийн талд эргүүлсэн байна.

Тодруулбал, манай баг тоглолтын турш 30 удаа довтлоод наймыг нь л оновчтой болгосон бол Филиппиний баг 31 довтлоод 17-нь амжилттай болгожээ.

Манай баг дараагийн тоглолтоо тун удахгүй Казахстантай хийнэ.