10.5 сая толгой малыг эдийн засгийн эргэлтэд оруулах төлөв байна

Улсын хэмжээнд мал, мах бэлтгэлийн ажил эхэлж байна. Энэ жилийн тухайд 10.5 сая толгой малыг эдийн засгийн эргэлтэд оруулах төлөвтэй байгаа бөгөөд эргэлтэд оруулах малын 67 орчим хувийг Архангай, Баянхонгор, Булган, Дундговь, Өвөрхангай, Сүхбаатар, Төв, Хөвсгөл, Хэнтий аймгууд бүрдүүлэхээр байна.

Өнгөрсөн зун, намар улсын хэмжээнд 76.9 сая толгой мал бэлчээрлэсэн бөгөөд хүн амын хүнсний хэрэгцээ болон мал, мах бэлтгэлд 15.1 сая орчим толгой малыг нийлүүлэхээр тооцсон. Ингэснээр улсын хэмжээнд 195.5 мянга орчим малчин өрхийн 61.8 сая орчим толгой мал өвөлжиж, хаваржих тооцоо гарч байгаа юм.