“АСТАНА 2026”: Өнөөдөр барилдах монгол бөхчүүдийн оноолт

Казахстаны Астана хотноо болж буй чөлөөт, сонгомол бөхийн ДАШТ-ийн эмэгтэй чөлөөт бөхийн тэмцээн өнөөдөр эхэлнэ. Өнөөдөр манай улсаас 50, 57, 65, 76 кг-ын жинд барилдах дөрвөн бөхийн оноолтыг хүргэж байна.

50 кг-ын жинд ДАШТ-ий мөнгө, хүрэл медальт Д.Отгонжаргал эхний даваанд Марокко улсын бөх Хажар Канебтай таарсан. Хожвол Польшийн А.Голучоновскатай барилдана.

57 кг-д ДАШТ-ий мөнгөн медальт Б.Хулан Бразилийн Жуллиа Пеналбертэй оноолт таарлаа. Түүнийг хожвол БНХАУ-ын К.Хонгтой барилдана.

65 кг-ын жинд ДАШТ-ий хүрэл медальт Т.Энхжин эхний тойрогт гоц мөргөж, шөвгийн 16-д үлдсэн. Тэрбээр Төв Африкийн БНУ-ын Л.Анде, Германы А.Нтюрнбергер нарын ялсантай шөвгийн наймд үлдэхийн төлөө барилдана.

76 кг-ын жинд ДАШТ-ий мөнгөн медальт Э.Даваанасан эхний даваанд хийлж, хоёрын даваанд ОХУ-ын Мария Силинатай барилдана. Хожвол Япон, Литва, Энэтхэгийн аль нэгтэй барилдана.

“Астана-2026” чөлөөт бөхийн дэлхийн аварга шалгаруулах тэмцээнийг “Боловсрол” телевизээр албан ёсны эрхтэйгээр шууд дамжуулан хүргэнэ.