Автобусны жолооч Д.Эрдэнэтуяа харвалт өгч, ухаан алдсан хүний амийг аварчээ

Өчигдөр буюу аравдугаар сарын 29-нд 20:49 цагийн үед автобусны жолооч Д.Эрдэнэтуяа харваж, ухаан алдан осол гаргасан жолоочийн амийг аварчээ.

Тодруулбал, Баянгол дүүргийн 3, 4-р хороололд аравдугаар сарын 29-ний 20:49 цагт үйлчилгээнд явж байхад нь арын жижиг машины жолооч автобусыг шүргэсэн атлаа зогсохгүй үйлдлээ үргэлжлүүлсээр байсан аж. Жолооч анзаарч автобусаа зогсоон тухайн машины хаалгыг нээтэл иргэн харвасан байдалтай, ухаангүй байхад нь тусалж, түргэн тусламж дууджээ.

Ажил үүргээ гүйцэтгэж байхдаа иргэнийхээ үүргийг биелүүлж, эрдэнэт хүний амь насыг аварсан Д.Эрдэнэтуяа танд талархал илэрхийлж, сайн сайхан бүхнийг хүсье.