Л.Оюун-Эрдэнэ АТГ-т гэрчийн мэдүүлэг өгч байна

Ерөнхий сайд асан Л.Оюун-Эрдэнэ өнгөрсөн гуравдугаар сарын 23-нд Авлигатай тэмцэх газарт Тавантолгой-Гашуунсухайтын төмөр замыг “Бодь интернейшнл” компаниар нүүрсээр бартердаж бариулахдаа өртгийг хоёр дахин нэмэгдүүлж, улмаар 110 сая ам.долларыг гаргуулж, улс төрчдөд тараасан гэх хэргийн баримтуудыг хүргүүлж буйгаа мэдэгдсэн.

Тэгвэл өнөөдөр УИХ-ын гишүүн Л.Оюун-Эрдэнэ уг хэрэгт гэрчээр мэдүүлэг өгч байна. Тэрбээр 14.00 цагаас хойш мэдүүлэг өгч буй юм.

Өнгөрсөн баасан гаригт буюу гурав хоногийн өмнө Л.Оюун-Эрдэнэ хэвлэлд өгсөн ярилцлагадаа "Б.Энхбаяраас гадна “Бодь групп”-ын 110 сая доллараас Т.Аюурсайхан, Б.Ганхуяг, Н.Удаанжаргал нар 25 сая долларыг авсан байж болзошгүй гэх мэдээлэл бичлэгт бий" хэмээн ярьсан байдаг.