Н.Наранбаатар: 330 суманд аялал жуулчлалын мэдээллийн төв хэрэггүй байх

Оюутолгойн ногдол ашиг болон төсөвтэй холбоотой асуудлаар УИХ-ын гишүүн Н.Наранбаатарын байр суурийг тодрууллаа.

Тэрбээр, "Төсвөөс урсгал зардлуудаа хасъя гэж байна. Хөрөнгө оруулалтын зардлаа ч мөн адил хасъя гэсэн зарчмын зөрүүтэй саналууд гарч байна. Гэхдээ шууд нүдээ аниад хасаж болохгүй. Аялал жуулчлалын мэдээллийн төв хэрэгцээ шаардлагатай газраа хэрэгтэй л байх. Гэхдээ 330 суманд бүгдэд нь биш байх. Тухайлбал аялал жуулчлалын гол бүсүүд дээр л хэрэгтэй байхыг үгүйсгэхгүй. Зүгээр аргаа бараад хэн ч ордоггүй байшин барья гэж төлөвлөхгүй л байх.

Засгийн газраас хөрөнгө оруулагч талтай гэрээ хэлцэл хийгээд ногдол ашгаа авахаар болсон гэж ойлгосон. Иргэдэд бэлэн мөнгө тараавал юмны үнэ нэмэгдэж, эдийн засаг хүндэрнэ. Байшин барьсан ч, баялгийн санд хуримтлуулсан ч иргэд ашиг хүртэж байгаа хэлбэр шүү дээ" гэлээ.