Ерөнхийлөгч "Беларусь улс Минск хотын дэд бүтэц таалагдлаа" хэмээжээ

Монгол Улсын Ерөнхийлөгч Ухнаагийн Хүрэлсүх Беларусь улсад төрийн айлчлал хийж байгаа билээ. Манай Ерөнхийлөгч өчигдөр Беларусийн Ерөнхийлөгч А.Лукашенкотой албан ёсны хэлэлцээ хийсэн. Энэ үедээ Минск хотыг магтсан нь хэвлэл мэдээллийн хэрэгсэлд эшлэгдэж байна.

“Беларусь уур амьсгал, байгаль орчин нь тааламжтай юм. Танай улс, тэр тусмаа нийслэл Минск хот, дэд бүтэц нь надад таалагдлаа” гэж тэрбээр хэлжээ.

Ерөнхийлөгч өчигдөр Минск хотод байх Аугаа их, эх орны дайны түүхийн музей зэрэг түүхэн дурсгалт газруудтай танилцсан юм.

Беларусь нь Монгол Улсын хувьд Евразийн эдийн засгийн холбоотой байгуулсан чөлөөт худалдааны түр хэлэлцээрийг ажил хэрэг болгоход чухал ач холбогдолтой стандартыг дээшлүүлэх ажилд манай гол түнш гэж шинжээчид үзэж байгаа юм.