Д.Батбаяр: Хүмүүс түгжрэл, тэгж зогсолт гэхээр цочирдохоо ч больсон байна

Улаанбаатар хотын түгжрэлийн асуудалд УИХ-ын гишүүн Д.Батбаяр ямар байр суурьтай байгааг тодрууллаа.

Тэрбээр, "Би өчигдөр нэг уулзвар нэвтрэх гэж 30 минут болсон. Одоо хүмүүс түгжрэл, тэгж зогсолт гэхээр цочирдохоо ч больсон байна. Монголын нийгэм чинь долоо долоо хоногоор нэг нэг сэдэв барьж ирдэг болсон байна. Өнгөрсөн долоо хоногт баавгай ярьсан бол энэ долоо хоногт Нөмрөгийн дархан цаазат газрыг ярьлаа.

Асуудлуудыг яриад л өнгөрдөг байдалтай болсон байна. Миний харж байгаагаар нийслэлийн түгжрэлийг шийдэхэд цогц бодлого хэрэгтэй. МАН 10 жил засаглахдаа юу ч хийгээгүй, нэг ч уулзвар нэмж барьсангүй. Эд нар юу ч шийдэж чадахгүй. Тийм мөртлөө зодоон болоход нэг нэгнээ шүүмжлээд явдаг. Ажил ярьж байгаа хүмүүс нэг ч алга" гэлээ.