Аравдугаар сард ОХУ-ын 15 муж шатахууны хязгаарлалтаа цуцалсан ч нөхцөл байдал хүнд хэвээр байна

Энэ сард ОХУ-ын 15 муж өмнө нь тогтоогоод байсан шатахууны хязгаарлалтаа цуцалжээ. Тодруулбал, Рязань, Липецк, Кострома, Воронеж, Новосибирск, Тюмень, Свердловск, Томск, Владимир, Красноярск, Ставрополийн хязгаар, Карелия, Мордовия, Крым, Севастополь муж шатахууны хязгаарлалтаа цуцалжээ.

Гэсэн ч хүн ам олонтой том хот, мужуудад шатахууны хязгаарлалтыг үргэлжлүүлсээр байна. Тухайлбал, Тамбов мужид тээврийн хэрэгслийн тэгш сондгойгоор тодорхой үнийн дүнд олгож байсан журмыг цуцалсан ч амьдрал дээр хэрэгжиж байгаа бол Ленинград муж хэзээ мөдгүй хомсдолд орж болох эмзэг нөхцөл байдалд байгаа аж.

Мөн Ямало-Ненец автономит тойрогт зарим шатахуун түгээх станцуудад худалдан авалтын хязгаарлалт хэвээр байгаа ч шатахууны хүртээмж аажмаар сайжирч байна гэжээ.