Улаанбаатар хот 2027 онд CS2-ын дэлхийн хоёр том тэмцээнийг хүлээн авна

PGL компани Valve-аас тусгай зөвшөөрөл авсны үндсэн дээр 2027 онд зохион байгуулах дөрөв дэх тэмцээнээ Хятад улсаас Монгол Улсын Улаанбаатар хот руу шилжүүлснээ зарлалаа.

Тус тэмцээн нь 1,000,000 ам.долларын шагналын сан болон VRS (Valve Ranking System)-ийн урилгын урамшуулал болох 300,000 ам.долларыг олгох бөгөөд нийт 16 баг өрсөлдөх юм. Үүнээс 14 баг нь 2027 оны нэгдүгээр сарын чансааны шинэчлэлд үндэслэн, дэлхийн VRS чансаагаар дамжуулан урилга авах болно. Тэмцээн ирэх дөрөвдүгээр сарын 17-25-ны хооронд үргэлжилнэ.

"PGL Ulaanbaatar 2027" тэмцээн нь "BLAST Open Ulaanbaatar 2027" тэмцээнээс сар хүрэхгүйн өмнө зохион байгуулагдах тул нийслэл хот маань маш богино хугацаанд дэлхийн хэмжээний томоохон хоёр тэмцээнийг хүлээн авах төлөвтэй байна