УИХ-ын Тамгын газрын дэд дарга Ц.Одхүү Санхүүгийн зохицуулах хорооны даргад яригдаж байна

-С.Бямбацогтын “Төрийг ховдчилох” ажиллагаа СЗХ руу тэлэх үү-

УИХ-ын дарга С.Бямбацогтын чиглэл удирдамжаар явагдаж буй, түүний жин нөлөөг үлэмж нэмэх  нэгэн томилгоо улс төрийн хүрээнд яригдаж эхэллээ.

Тодруулбал, СЗХ-ны дарга Т.Жамбаажамц ажлаа өгч байгаа аж. Хамгийн сонирхолтой нь, түүний оронд УИХ-ын Тамгын газрын дэд дарга Ц.Одхүү очихоор яригдаж байна.

Т.Жамбаажамц нь 2025 оны сүүлээр Санхүүгийн зохицуулах хорооны даргаар томилдогдож байсан, албандаа нэг жил л ажиллаж байгаа бол Ц.Одхүү нь 2026 оны тавдугаар сарын сүүлээр УИХ-ын Тамгын газрын дэд дарга болж байсан юм.

Ц.Одхүү өмнө нь Засгийн газрын Хэрэг эрхлэх газрын (ЗГХЭГ) дэд дарга болон “Эрдэнэс Монгол” ХХК-ийн ТУЗ-ийн даргаар ажиллаж байгаад, С.Бямбацогтыг УИХ-ын даргаар томилогдсоны дараа УИХ-ын Тамгын газрын дэд даргын албан тушаалд томилогдсон, УИХ-ын даргын хамгийн ойр дотнын хүн гэгддэг.

Ц.Одхүүгийн оронд УИХ-ын Тамгын газрын дэд даргын суудалд мөн л Ховдын гаралтай хүн очно гэсэн мэдээлэл байна. Өөрөөр хэлбэл, УИХ-ын дарга С.Бямбацогт хамгийн итгэлтэй хүнээ дэргэдээсээ холдуулж, Санхүүгийн зохицуулах хорооны дарга болгож байгаа нь анхаарал татаж байна.