Хэмжил зүйн лабораториуд дахин итгэмжлэгдлээ

Стандарт, хэмжил зүйн газрын Хэмжил зүйн бодлогын газрын Шалгалт тохируулгын хэлтэс болон орон нутаг дахь Стандарт, хэмжил зүйн хэлтсүүдийн Хэмжил зүйн лабораториуд MNS ISO/IEC 17025:2018 “Сорилтын болон шалгалт тохируулгын лабораторийн чадавхад тавигдах ерөнхий шаардлага” стандартын шаардлагыг хангаж, дахин итгэмжлэгдлээ.

Анх 2017 онд анх удаа итгэмжлэгдсэн энэ лабораториуд 2025 оны 6-р сарын 10-ны өдөр Итгэмжлэлийн Үндэсний төвийн даргын А/135 дугаар тушаалаар дахин итгэмжлэгдэж, Олон улсын стандартад нийцэж буйгаа баталгаажууллаа.

Цаашлаад итгэмжлэлийн хүрээний тодорхойлолтын дагуу 2 жилийн хугацаатай гэрчилгээгээ авсан дээрх лабораториудын техникийн чадамж, менежментийн тогтолцоо олон улсын жишигт нийцэж байна гэсэн үг юм.