"АСТАНА 2026": Д.Отгонжаргал, Б.Хулан нар эхний учраагаа яллаа

Казахстаны Астана хотноо болж буй чөлөөт, сонгомол бөхийн ДАШТ-ийн эмэгтэй чөлөөт бөхийн тэмцээн эхэллээ. Өнөөдөр манай улсаас 50, 57, 65, 76 кг-ын жинд дөрвөн бөх барилдана.

50 кг-ын жинд ДАШТ-ий мөнгө, хүрэл медальт Д.Отгонжаргал эхний даваанд Марокко улсын бөх Хажар Канебтай таарч, цэвэр дарлаа. Манай бөхийн дараагийн учраа Польшийн А.Голучоновска байх юм.

57 кг-д ДАШТ-ий мөнгөн медальт Б.Хулан Бразилийн Жуллиа Пеналберыг 7:3 оноогоор хожлоо. Манай бөх БНХАУ-ын К.Хонгтой барилдана.

65 кг-ын жинд ДАШТ-ий хүрэл медальт Т.Энхжин эхний тойрогт гоц мөргөж, шөвгийн 16-д үлдсэн. Тэрбээр Төв Африкийн БНУ-ын Л.Анде, Германы А.Нтюрнбергер нарын ялсантай шөвгийн наймд үлдэхийн төлөө барилдана.

76 кг-ын жинд ДАШТ-ий мөнгөн медальт Э.Даваанасан эхний даваанд хийлж, хоёрын даваанд ОХУ-ын Мария Силинатай барилдана. Хожвол Япон, Литва, Энэтхэгийн аль нэгтэй барилдана.

“Астана-2026” чөлөөт бөхийн дэлхийн аварга шалгаруулах тэмцээнийг “Боловсрол” телевизээр албан ёсны эрхтэйгээр шууд дамжуулан хүргэж байна.